Aktivitetstilbod i Ryfylke

Utforsk Ryfylke sine aktivitetstilbod og kanskje dine eigne grenser?

Ryfylke har all slags ver med hyppig skiftningar. Årstidene gir rom for mange slags aktivitetar. Både grøn og kvit vinter finnst samstundes. Medan snøen ligg meter tjukk i heia og stengar av vegane, kjem våren tidleg langs fjordane. Skisenteret i Svandalen, Sauda har lang sesong. Fruktblomstringa minner deg om at du bør kome tilbake til hausten og smaka! Sommaren kan vera varm, men og kjølig og regnfull. Hugs gode klede til fotturen. Det skal vera nok å finna på i Ryfylkenaturen for store og små!

Turistkontora og den årlege Ryfylkeguiden vil gje deg detaljane for besøket. 
Suldalslågen er ei av dei tradisjonsrike lakseelvene i Norge. Her kan ein også fiske etter sjø- og bekkaure, som du også finn i ei rekkje andre vassdrag og fjellvatn over heile Ryfylke. Fisketider i Rogaland 2010-2014.

Ryfylke byr på mange spennande fotturar. Du kan ta på deg gode sko og turklede og vandra heile dagen, eller ta med deg litt større sekk og niste og bli borte nokre dagar. Ser du på kartet ligg fjordarmane tett. For å sjå mangfoldet i fjordane betre skal du spandera på deg ein båttur. Lysefjorden er då eit godt val! Ruteplan for ferge og sightseeingbåttilbodet på Lysefjorden ligg under Reiseinformasjon i menyen.

Handel i Ryfylke
I Ryfylke i Rogaland finn du også små intime handelsplassar og nokre interessante forretningar innan handtverk, m.a. glaskunst og ikkje minst lokal ferskvare som røykelaks. Her har verten tid til deg og dine spørsmål!

Føl stemninga og roen på tettstadane langt frå bylarmen. Strandstaden Sand har autentisk gamalt miljø, Ryfylkebyen Jørpeland pulserer med moderne forretningar og Sauda har sus av industrihistorie. Av og til er det lokale handelsdagar med særskilte arrangement med lokal koloritt og gode handelstilbod, sjå i arangementlista.

Med si store utstrekning, er det enklare å forstå Ryfylke med ei inndeling;
- Nordre Ryfylke: Sauda og Suldal                        
- Midtre Ryfylke: Hjelmeland, Strand og Ryfylkeøyane
- Søre Ryfylke/Lysefjorden: Strand og Forsand