Opplevingar i Ryfylke

Utforsk attraksjonane (kart) i Ryfylke!

Ryfylke - fjordriket som ligg lunt til mellom Stavanger i sør og Haugesund i vest, kan du raskt nå langs Ryfylkevegen (Rv 13) frå Sandnes i sør eller via ferje frå Stavanger til Tau. Frå Haugesund fører E134 fram til målet. Frå Bergen går Fjordvegen gjennom Hardanger og møter Ryfylkevegen i Røldal. Frå Oslo går E134 over Haukeli, Røldal til Sauda eller Suldal. På sommarstid kan du også bruka den spanande vegen frå aust til Lysebotn over Suleskar. 

Ryfylkevegen, Rv. 13 og Fv. 520, der delar er Nasjonal Turistveg Ryfylke frå 2011, er hovudferdselsåra i regionen. Vegen går høgt og lågt og varierer frå havnivå og opp til 900 m.o.h. Ryfylkevegen er ein opplevingsveg som fører deg til mange attraksjonar. Med start sør i Sandnes kryssar ein fleire fjordar på vegen nordover: Høgsfjorden, Jøsenfjorden og Sandsfjorden. Ut mot havet ser du det forlokkande øyriket, eit nært tilgjengeleg sommarparadis. Korte avstikkarar frå Rv. 13 kan bringe deg til fjell som majesteten i Lysefjorden; Kjerag med den utrulege Kjeragbolten og den berømte Preikestolen.

Med si store utstrekning, er det enklare å forstå Ryfylke med ei inndeling;
- Nordre Ryfylke: Sauda og Suldal                        
- Midtre Ryfylke: Hjelmeland, Strand og Ryfylkeøyane
- Søre Ryfylke/Lysefjorden: Strand og Forsand

Kjeragbolten - Foto: Reisemål Ryfylke