Strand Turistinformasjon ligg i Rådhusgata i Jørpeland sentrum i Ryfylke. Kontakt Velkomstsenteret i Strand Kommune for informasjon om opningstidar i 2013.
Strand kommune er 215 km² i totalareal og har ca 11.400 innbyggjarar, dei fleste busett i tettstadene Jørpeland og Tau.
Strand er ein kystkommune med mange flotte tilkomstar til sjøen, samtidig som kommunen også har flotte natur- og fjellområde med mange turstiar som Jørpelandsheiane og Holtaheia. Reinarknuten, Kjortåsen, Førlandsåsen og Moslifjellet er populære turmål.
Hovedattraksjonen nær Strand er Preikestolen, kun 10 min køyring frå Jørpeland sentrum til parkeringsplassen for start for turen (avgift).
Strand kommune har godt utvikla reiselivstilbod. Bygda Bjørheimsbygd har fleire interessante plassar, m.a glasgalleri med utsal.
Kommunen byr på variert overnatting frå privat overnatting til camping og hytter, rom og hotell. Likeeins finn ein varierte tilbod av matservering frå cafear til restaurantar, gardsmat og take-away, samt nokre pubar.