Preikestolen er den mest kjende turistattraksjonen i Ryfylke i Rogaland, og ein av dei mest besøkte naturattraksjonane i Norge. Fjellformasjonen er ofte feilaktig kalla Prekestolen. Han ragar ca. 600 m over Lysefjorden i Forsand, nord for fjorden sin ytre del. Fjordlandskapet er forma av isbrear, og platået på ca 25x25 m vart truleg forma ved frostsprenging for 10.000 år sidan. Over 130 000 menneske frå heile verda tek fotturen opp kvart år og blir overvelda av stupet og fjordutsikta. Rundt år 1900 fann dei fyrste fotturistane vegen hit. I klårt ver kan ein sjå nesten inn til Lysebotn.

Fotturen går frå Preikestolen Fjellstue på tursti i småkupert terreng; ur, myr og bart berg. T/r: ca. 7 km, 3-4 t, høgdeforskjell 350 m. Godt fottøy og generell god fysikk er nødvendig. Sesong mai - oktober.

Sjå Preikestolen i 360 graders panoramavisning laga av Virtual Norge.

For detaljert informasjon om Preikestolen og fotturen: sjå under menyvalet Attraksjonar. Her er og fyldig informasjon om Lysefjorden og Kjerag. Dersom du treng informasjon om transport, sjå Reiseinformasjon i menyen over.

Preikestolen på Facebook. Sjå og www.visitlysefjorden.no

Velkommen til Ryfylke med Lysefjorden og Preikestolen!