Landa - Fortidslandsbyen - levande historie

Landa – Fortidslandsbyen

På Fossanmoen, Forsand i Ryfylke, ligg tuftene etter Landabusetjinga, eit eineståande funn i norsk historie og arkeologi.

Ein fann ei rekkje spor etter tidlegare busetjing - basert på funna er Fortidslandsbyen Landa gjenreist med tre rekonstruerte bygningar som representerer bronsealder, jernalder og folkevandringstida.

Det budde folk her samanhengande i 2000 år - frå omlag år 1500
f.kr. til år 600 e.kr. Rekonstruksjonsarbeidet tek sikte på å gjenskape noko av miljøa som var for 3000 år sidan. Det første huset frå bronsealderen stod ferdig i 1995. Gildehallen er den største bygningen på Landa. Ein trur at huset blei brukt som bustad for ein leiande familie i landsbyen og kanskje til ulike festar og samlingar.
Du kan sjå gjenreisingsarbeidet, få omvising eller delta i aktivitetar.

Husfrua på Landa kan ta dykk med på ei forhistorisk ”reise” som startar i bronsealderen (1800 f. Kr.), vidare i før-romersk jernalder og folkevandringstid (slutt rundt 600 e. Kr.).

Landa er ope med guiding i sesongen. Sjå opningstider under.